"فضفضة عاشق"

الفكرة جميلة بس انا مش هسيبها كدة انا هعملها منتدى خاص بحيث كل موضوع ياخد الرد على الموضوع لواحدوا والموضوع يبقى عبارة عن مشكلة خاصة بكل واحد واللى يحب يشاركوا فيها يشاركوا فى مساهمة كرد

والله فكرة روووووووووعة وجميلة جدا
و

الحمد لله المنتدى مفيهوش اى مشاكل فى الحب ياجماعة حتى صاحبة الموضوع قالت الموضوع ونمنا فية طيب يامسهل يارب ابعت ياللى بتبعت

اية دا مفيش حد عندو مشاكل يااااااااااااااااة دا انتو تبقوا جامدين قوى
على العموم الفكرة رااااااااااااااائعة بجد

ايه يا جماعة هو مفيش حد عندوا مشاكل ولا ايه .........يارب يكون ده صح

هههههههههههههههه
انا عندى مشكله
اتعرفت على واحد مجنون ع النت هو محترم اه بس مكنتش متخيله انها تطق ف دماغه كده يتصل ببابا وييجى البيت هى حاجه كويسه المشكله ان بابا رافض تعارف النت ودخول النت اصلا انا عاجبنى تمسكه وف نفس الوقت مش عارفه اقنع بابا يسمعه بس بابا متمسك بيا اوىىىىىىىىىى مش عاوزنى افارقه بس متهيالى كفايه اوى كده عارفين يا جماعه بيقولى انا لو دخلت اوضتك مش لقيتك فيها هتحصلى حاجه وبيقولى انتى ملكى ومش من حق حد ياخدك منى اللى يفكر يقرب منك هاموته بصوا حد يشوف حل ف الراجل ده بجد خلاص عارفين مقولة ومن الحب ما قتل؟ اهو ده ومن الحب ما خنق وقتل وانتحر وكلو كلو اول مشكله اهه ورونا شطارتكو لو تحبوا اديكم تليفون بابا ماشى بس مش مسؤله عن اللى هيحصل لكم ولا اعرفكم انا ههههههههههههههههه

بسم الله الرحمن الرحيم

بصي ياقمر اكيد والدك بيحبك اوي وشكلك كده انتي الوحيده

وبما انك بتقولي ان والدتك متمسك بيكي معنا كده انه بيحبك كتير

شوفي حد يكون عزيز علي والدك وخليه يكلمه طبعا والدك هيرفض لانه عارف وبيسمع انه عالم النت كله

كدب وخداع وخلينا نقول انه عنده حق طبعا لان اغلبيه الشباب مش يهمه غير التسليه وعلشان نسبت لوالدك

عكس كده اكيد هناخد وقت

اولا لازم حبيبك يبعت حد من اهله

ويسيبوا لوالدك كل بيانتهم وهو يتحقق من صحتها بنفسه

اما بالنسبه لحبيبك فقولي له صبرا جميل

لسه مش حد يعرف من نصيبه مع مين

اما انتي بحاولي تثبتي لوالدك انه حبه غيرك للاحسن

مثلا لو اي حاجه مش كانت بتعجب والدك غيرها وفاهيميه عن طريق غير مباشر ان ده بسبب حبك لحبيبك فاهمني ؟
وياريت تقولي تفصيل اكتر من كده حتي نقدر ان نساعدك ان شاء الله

وكمان احنا ممكن نكون فريق بنات ونذهب لوالدك وان شاء الله نقنعه

بس المهم والاهم انتي واثقه ان حبيبك حد يستائل ؟؟؟؟؟؟؟؟؟؟؟؟؟؟؟؟؟؟؟؟

الموضوع جامدا جدااااااااااااااااااااااااااااااااااا ويارب يكون فى مواضيع اكثر تشوق عشان نحلها ونقول رايناا

مرسيه اوي ياحنين النور نورك ياقمر وبجد اتمني ان نكون اصدقاء دائمين

ونكون روح الاسره الواحده من جميع اعضاء المندي وتقدر نساعد بعض

طب ياجماعه الحقوني قبل مااعمل حاجه في نفسي انا مشكلتي عويصه جدا لانها مش مش بيني وبين حد لا دي بيني وبين نفسي ايه رايكم؟ عندي معركه جامده جدا بين قلبي وعقلي اعقلي بيقولي مينفعش خااااااااااااااااااااااااالص باي حال من الاحوال بس قلب مش بايدي قولولي بقى اعمل ايه

هي المشكله في ان الشخص ده اخو خطيبي سابقا بالضافه لكده هو خطب لما شافني اتخطبت بس حاليا هو بس الي خاطب لاني خطوبتي انحلت بس بعيده عنه خالص وغير كده هو من وجهه نظر الجميع غير صالح ليا خالص لانه مستواه التعليمي اقل مني بكتير هو معاه دبلوم وانا في الجامعه ,يعني الاسباب الي اترفض اخوه بيها هو هيكون اولى طبعا انو يترفض الف مره بيها المشكله اني عرفت مؤ خرا اني عنده نفس شعوري مع العلم اني لحد دلوقتي مصرحتش بمشاعري ولا لمحت حتى , ولا هو كمان صرح بس كلامه واضح اوي ودايما يقولي انا تعبان ومش عارف اتصرف ازاي #اصحابي كلهم شايفين انه مش صادق في كلامه وبيلعب بمشاعري وبس وانه بيحب خطيبته وبيتسللى بيا وطبعا انا مش شايفه ده خالص <مع العلم انه قريبي وجاري في نفس الوقت>[انا عارفه اني هلاقي هجوم جامد جدا بس يا جماعه انا عارفه ان الموضوع بايظ وانا مش ماشيه فيه بس عايزاكم تقولولي اعمل ايه في قلبيi]

ميرسي اوي اوي اوي
انت عارف انا عارفه كل الكلام ده كويس اوي وعقلي مسيطر جدا
بس زي ماقلتلك كان في حاجه خارجه عن ارادتي
بس هي اكيد شيطان صح
بس انا خلاص نويت اغير حياتي ان شاء الله واشيل كل النقط السوده منها
القرار كان في دماغي من زمان بس فعلا ردك شجعني اوي
ميرسي بجد

السلام عليكم

بصراحه راي توت عنخ امووون جاااامد قووووووووووي وعاجبني اول مرة يقول حاجه جامده كدا .

انا منن راي توت برضه

بس مش من رايه عن لا امان للبشر

في بشر فعلا يستاهلوا تعطيهم الامان وناس لاء

هو اه فعلا كتر الناس وحشه بس اكيد وموجودين بالفعل ناس كويسه والله.بس للاسف قليلين جداا

هههههههههههههههههههههههههههههههههههههههههههههههههههههه توت عنخ امون

لا مقصدش

بس ردك علي الموضوع كان رد كويس وعجبني الرد

ههههههههههههه يعني ساعات ناس تقول كلام متتوقع يطلع منهم

هههههههههههههههههههههههههههههه..ده حريه راي

ياترى لو انت خايف تحب حد اوى احسن يطلع ف الاخر مش هوا نصيبك هتعمل ايه؟؟؟
تحبه والا تبعد عنه والا تهرب منه ومن فكره النصيب دى

جميل اوى


اولا الاخ زائر

كلامك رائع والله


ياميما قلت لو تسممحى فى القسم اعملى موضوع جديد وحطى فية كل الكلام اللى عاوزاة


انا مش هرد على رد فى موضوع

اعملية موضوع جديد وخدى راى الكل علشان الكل يقدر يشوفوا

المهم يازائر بالفعل مفهوم الحب مختلف عندى

للاسف يعنى سؤال هيرد عليك بنفسوا


لو جالك جزار بيطلب ايد بنتك اللى هيا معاهادكتوراة فى القانون الدولى من جامعات اجنبية

ياترى هتوافق وكمان هيدفعلك مليون جنية مهر وشبكة؟


بيع ياريس بيع

الحب هوا تفاهم واعتقد ان لو الحب جة عن طريق الشارع بشكل خارجى او بشكل عام هيكون مجرد لفت للنظر مش حب بالشكل الحقيقى

انما الحب بالشكل الحقيقى لا هوا حب بشكل البنت او تبادل الجمال بينهم دة جميل ودى جميلة ولا الاخلاق كمان ليها مكان فى الحب

لكن الحب جزء من الاخلاق

المهم ارجع لكلامنا تانى واقولك

مينفعشى ولد معاة كليات عليا وغيرها يتجوز بنت مش متعلمة اصلا

انا معاك انك هتقول الحب بيزيل كل دة كلامك صح

لكن الكلام دة بتقولوا قبل ما تتجوز لكن لما تتجوز وتقول لمراتك

البروتوكول الدولى

تقولى يامصيبتى الف سلامة عليك

ابقى ورينى هترد تقول اية

مع العلم بان ا لانسان بيختلف شعورة من الوقت للتانى

سعيد جدا بالمناقشة الطاحنة دى

فى انتظار كتابة موضوعك ياميما وجاهز للرد علية

السلام عليكم
معلش عايزة اقول حاجة لازم نكون واقعيين اكتر من كدة
الحياه مش فلم بتخرجو وتحطلو النهاية الي انت عايزها انا معاك
فأن الحب مايعرفش مستويات فجئة ممكن تكتشف انك بتحب حد
بينك وبينو فرق كبييييييييير بس في النهاية الواقع ح يحكم على الحب ده
بالفراق وبنتعب نفسنا ونتعب الطرف التاني ونجرحو من غير مانقصد
بجد اسوء حاجة انك تعطي علاقة حب مستحيلة امل وتقول لا ح نكون اقوى من الظروف
وتكدب وتوهم نفسك بحاجة انت عارف انها مش ح تحصل نصيحة مني ابعدي عنو لو بتحبيه
عشان لو اتعلق بيكي وحبك بجد وابوكي رفض او حصلت اي ظروف عندك وبعدتك عنو وقتها ح تكرهي نفسك بجد
وتفضلي في تأنيب ضمير يقتل عشان وقتها ح تكوني سبب في جرحو وعزابو ده لو كان صادق في حبو ليكي
يمكن لو راجل حب وحدة اقل منو مش ح يبقى الموضوع بالصعوبة دي عشان هو قادر انو ياخد القرار الي هو عايزه