بسم الله الرحمن الرحيم
{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ} [التوبة:105]
صدق الله العظيم
شباب وبنات انا عاوز اتكلم معاكم فى موضوع مهم جدا.... مشروع شباب الوطن فكره بسيطه لعمل منافذ بيع بمحافظه المنوفيه
على فكره المشروع سهل جدا وبسيط بس محتاج شويه جهد ذاتى مش هنقول فلوس او مصاريف لان الموضوع اكبر من كدا بكتير
خلينى الاول اسالك واعرف
- انت شاب او شابه عاوز تشتغل؟
- جربت تلاقى شغل ولكن صعب تلاقى شغل دلوقتى؟
- حتى لو لقيت شغل المرتبات ضعيفه؟
- مبتحبش انك تشتغل عند حد ويكون حوليك تحكمات؟
- حاسس انك لما بتكون شغال عند حد او فى مؤسسه بتقتل احلامك وابداعاتك لان مبيبقاش فيه فرصه للتعبير الا فى نطاق الشغل وبس؟
تعالى اقولك فكره بسيطه عن المشروع بتاعنا ولو عجبتك انضم لينا وهنقولك ازاى
الفكره البسيطه للمشروع
- المحافظات اعلنت انها ممكن تساعد الشباب وخصوصا فى مشروعاتها الفتره دى فى مصر
- هنستغل الفرصه ونكلم المحافظه تساعدنا فى عمل 5 منافذ كبدايه للمشروع
- هنجيب بضائع بثمن بسيط زى الجبن واللحوم والبيض والشيبسى والبسكويت وزغيرها من المنتجات اللى ثمنها بسيط اوى
- مش هندفع فيها فلوس لاننا هنجيبها أجل وبضمانات القوات المسلحه( وهبقى اشرحلك ازاى فى الاجتماعات الخاصه بتاعتنا)
- هنحط البضائع دى فى المنافذ بحمايه المحافظه وبموافقه منها وهيا هتمدنا بالكهربا للاضائه وحجات كتير هيا تتمنى تساعدنا فيها
- ونبأ حركه البيع فى المنافذ ووقتها هيكون معاك فريق عمل كبير
- ( البائعين+ مجلس الحسابات+مجلس الاداره+مشرفين البيع والتسعير)
- الناس اللى فاتت دى مهمتها كبيره اوى
- لانها هيا اللى هتكون قائمه على المشروع من بيع واشراف عليه وحسابات البضائع والمرتبات وغيرها
- وكمان فيه هيئه اداره هتقوم برعايه كل شخص على حدى ورؤيه حركه البيع وهتمد المنافذ بالبضائع
- هيتم توريد كل يوم المبلغ اللى المنفذ عملو لمجلس الحسابات
- والحسابات هترفعو للاداره بدورها كأداره هتعمل صفقات جديده علشان تملى البضائع تانى
- وهتكون بدورها بتراقب كل شئ مع الحسابات ومع البائعين ومع المشرفين وغيرهم
.. الفرق الوحيد بل والافضل انك هتبيع بسعر اقل من سعر السوق تماما فى كل المنتجات ... وكمان هنرفع شغل المحافظه والقوات المسلحه
كل دا هيفيدنا اكتر
دى فكره المشروع كلها
عاوز تسألنا شويه اسئله صح؟
- هقولك مثال: عاوز تقول هنجيب البضاعه ازاى ؟
- عاوز تسال مين هيعملنا المنافذ؟
- عاوز تسال ياترى هندفع فلوس فى المشروع دا ولا لا؟
- عاوز تسال مين الناس اللى فى المشروع حاليا ؟
- عاوز تسال تعمل ايه علشان تشارك معانا طالما الموضوع عجبك؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا مش هجاوبك دلوقتى على الاسئله دى خليها بعدين لما تبدأ تقتنع بالفكره اصلا
لكن ممكن اقولك احنا مين
- انا اخوكم ابراهيم
- ابراهيم محمد لبيب .محافظه المنوفيه .. مركز شبين الكوم . قريه شنوان
- خريج ليسانس حقوق جامعه المنوفيه
- 24 سنه
- مقدم على وظيفه وبحاول اجهز ورق سفر .. هتقوللى ليه قولت دى بالتحديد؟ لانى بقولكم كلكم محدش يستغنى عن شغلوا فى سبيل المشروع
- ولو جتلك فرصه شغل احسن من المشروع دا روحها وخليك فى اكتر من مكان
- ماتعتمدش على المشروع دا وبس...
لكن اقولكم على حاجه لو اتحقق اللى فى بالى وكوننا عدد كبير من الناس اللى عاوزه تنضم لينا
هنكون فى غنا تماما عن اى شغل فى سبيل المشروع لان ربحه كبير جدا
وعلى فكره المشروع دا فكرته كلها قائمه على فكره مشروعات اقتصاديه فى الجيش الثالث الميدانى
يعنى فكره عسكريه فى البدايه
انا بقى ابراهيم ودى صورتى
ودا صحبى واخويا سلطان
احنا الاثنين المسؤلين حاليا عن اداره المشروع وبنجهز لفكره التنفيذ
عاوزين نجمع عدد كبير من الناس اللى هتشاركنا فى المشروع
وبمجرد وصول العدد للحد الكافى هنبدأ فكره التنفيذ
طيب دلوقتى عاوز تعرف توصلنا ازاى
فيه حجات كتير اوى
دى صفحتنا على الفيس بوك
ودى صفحتى الشخصيه هناك
ابراهيم
السبت يناير 18, 2014 3:59 pm
