استعنا ع الشقا بالله كلو يربط الحزام ويركب المرجيحه

• ازيكم شباب وبنات
  

انا كنت جاى من مشوار وقولت اريح على الكرسى دة





واكتشفت انو كرسى الاعتراف




وانى لازم اقعد تلات ايام معاكو





ياريت واحد شاى وحجر معسل بقى





وبالراحه عليا




وواحدة واحدة

السلام عليكم
واخيراااااااا شرفت اولا هنا ممنوع التدخين او المعسل اهو نعزبك 3 ايام من غير تدخين
وقعت ولا حد سمى عليك ههههههه
قولي امتى اخر مرة عيطت فيها وايه السبب؟؟
وايه اكتر غلطة حسيت انك ندمان انك عملتها؟؟؟
ولو في يوم عرفت انك تقدر تخرج 3 اشخاص من حياتك ح يكونو مين وقولي كل شخص ح تخرجو من حياتك ليه؟؟؟
دي البداية بس <<<< شفت الحنية

ههههههههههههههههه
ايه الحونيه دى ياريما
انا كنت فاكرك احن من كدة شويه
ماشى ياستى
هجاوبك
اخر مرة عيطت فيها كان امبارح وماما بتخرط بصله كبيرة عشان طلبت منها صنيه بطاطس فرن وخلتها تعملها غصب عنها
راحت حابسانى معاها فى المطبخ وهى بتخرطها
واكتر غلطه ندمان عليها انى بجاوب عليكى دلوقتى
واكتر تلات اشخاص هخرجهم من حياتى
اول شخص هخرجو من حياتى هو اعز صاحب ليا
صديق عمرى
لانى حسيت بعد سنين انى مخدوع فى شخصيتو واخلاصو ليا
وتانى واحد هخرجو من حياتى هو والدى بعد ماتجوز لانو كان سر عذابى وتعاستى فى الدنيا بس مايمنعش انى اعاملو بالمعروف
تالت شخص هو انتى ياريما وياريت مسمعش اسئلتك تانى

سلام

اهلا
انتى بتشدى حيلك عليا يامجروحه
طيب كنتى مختفيه فين
عموما سخنى الاسئله بتاعتك ع النار كويس
وطلعيها بكرة لما تستوى

بس بلاش شطه

بلاش شطه


اهىء اهىء اهىء

السلام عليكم
ههههههه اخيرا استريحت يا سيدي على الكرسي الجميل ده استلقى وعدك بقى وشويه شويه عليه يا ريما على كل الاحوال ممكن سؤال ؟؟؟؟
عمرك شفت الحب الحقيقي في حياتك وامتى كان ده
ماذا يعني البكاء لك واخرمره بكيت فيها بجد
السعاده الحقيقيه وامتى كانت معاك
العطف والاحساس بالغير وموقف كان معاك عليه
مذا يعني لك ما يلي: الكره " العدل"توت "ايمي " ريما "مصر " الموت " الفراق " اللقاء بعده"
لا لا لا لا اسامه كفايه كده كتير شويه ارحمو من في الارض بقه
سوري ديمو دي وصيه ريما عليك مش عارف ليه كل الاسئله دي جات على بالي ههههههههه حنين اوي صح
اخوك في الله
اسامه

هههههههههههههههههه اسامة ربنا يخليك يااااااارب
ايوة كدة عايزاك تطلع كل الحنية فيه وربنا يقويكي ياجروحة بكرة كلنا في انتظارك هههههه
ديموووو بلاش تحور في الاسئلة:@ ايه الغلطة الي ندمان عليها بجد؟؟

اهلا بيك يااسامه باشا

واحشنى والله

بس حلوة الدخله السخنه دى قطعت قلبى بالاسئله

خصوصا الحب الحقيقى دة

اولا بجد وبكل صراحه انا ماقابلتش فى حياتى الحب الحقيقى اللى بيتكلمو عنو دة
بس كل اللى انا فاكرو كدة كام تجربه ويادوب كانو فترة المراهقه
وبعد كدة الله اعلم بقى هى الدنيا اللى مش سايبه وقت الواحد يحب فيه
ولا ربنا ماكتبليش اقابل صاحبه النصيب
لان دى نقطه انا مش هقدر احب واحدة الا لما اكون متاكد انى هرتبط بيها فعلا
ودة اللى مخلينى مش مدى اهميه لموضوع الحب دة
لانى بعتقد انى لو حبيت هبقى بضحك على نفسى
ومشكلتى كمان انى بحب بعقلى اكتر من قلبى
عشان كدة مش لاقى واحدة تستاهل عقلى وواضح انى مش هلاقيها
مع الاعتذار للبنات المش عاقله
اما بالنسبه للبكاء فدة اهميتو كبيرة اوى بالنسبالى
اولا انو بينضف العين
ثانيا لو مبكتش يبقى انت بدون مشاعر
ثالثا البكاء من اجل الدين بس
انا مش ببكى على حاجه متستاهلش
بس ساعات ببكى لما احس بالعجز لما اكون مش قادر اعمل حاجه
لكن عمرى مازعلت ولاحزنت وبكيت بعدها
السعادة الحقيقيه بقى
انا حاسس ان ربنا هيبعتهالى قريب
اللى بيكلمك بيقولك بكل ثقه انو ماشفهاش فى حياتو
بس اللى كلنا عارفينو ان السعادة بجد فى طاعه ربنا
ولو انى بعيد عن ربنا مش شيخ يعنى
بس دى حقيقه محدش بينكرها
اما العطف والاحساس بالغير دة
مات فيا من ساعه ماكان فى واحدة واقفه قدام صيدليه وبتولول وتعيط وتقول عايزة علاج الكبد بتاعى
همووووووووووووووووووت
مش قااااااااااااااااااااااااااااادررة
وجه واحد ابن حلال دخل يجيبهولها من جوة
وبعد ماخدتو والراجل الى جابو مشى
راحت داخله الصيدليه وقالت للصيدلى
خود ياخويا رجعلى دة وهات فلوسو
كنت بضحك وانا متغاظ
لان فى ناس كدة امثله بتجبرك انك تمنع تفكيرك انو يتعاطف مع حد او تحس بيه
اما ما يعنوة ليا


الكرة
ربنا خلقه فى قلوبنا عشان معاصيه والشيطان اما احنا بنستخدمو ضد بعض فى مسائلنا الشخصيه


توت
فاكهه المنتدى


العدل
الله
واوعى تفتكر ان فى عدل فى الارض بين الناس وبعض
دى كلها اجتهادات
حتى الراجل المؤمن اللى متجوز اتنين بيجتهد انو يعدل ومش بيعرف
قصدى مش بيقدر عشان فى ناس بتستنى كلمه عشان تفهمها غلط


ايمى
بنت مؤدبه ونشيطه ودمها خفيف
ربنا يوفقها


ريما
طالب صداقتها لو معندهاش مانع
اميلك بقى ورقم موبايلك هاة


مصر
بلاش كلام فى السياسه
عارفك انت بتحبسنى بس مش هديلك الفرصه


الموت
ماشوفتش شك اشبه باليقين زيو
كلنا عارفين اننا هنموت ومع ذلك عايشين كاننا مش هنموت


الفراق
شىء صعب كانك بتقطع حته قماش من بعضها

اللقاء بعد الفراق
على الترزى على طوووووووول يلمهم تانى

ماشى ياريما هجاوبك بجد


اكتر حاجه ندمان عليها فى حياتى

انى بدى الامان للناس بسرعه

ودة اكتر نوع من انواع التسرع اللى ف شخصيتى


واكتر حاجه بتندمنى

السلام عليكم
هههههههههههههههههههههه اخي العزيز ديمو ربنا يوفقك في حياتك ويهدي سرك زي ما بيقولو يعني وبتمنالك الخير من كل قلبي بس سؤال صغيير يعني كده الام ماذا تعني لك وانت مين في اخواتك وطبيعة عملك وهواياتك والي والي ........ههههههههههه خلاص دوشتنا يا اسامه اسكت .........ههههههههههههههه
سوري على الرغي هههههههههه .......
ايه يا ريم عجبتك كده ده انا .......بلاش
بحبكو كلكو والله
اخوك في الله
اسامه

ايه يااسامه
حد ياخد الاخ دة من هنا
ههههههههههههههههههههحبيبى والله يااسامه

الام
سبب الوجود فى الحياة

انا اصغر اخواتى واسمى احمد وعندى 27 سنه

شغلى مراقب اجهزة فى شركه العامريه لتكرير البترول بالاسكندريه


هواياتى
القراءة والرياضه

هههههههههههههههههه اسامة ايه الجمال ده بس على فكرة لو اتحطيت في الكرسي ولا ح اعرفك هههههه
امممممم بص ديمو عايزة اقول حاجة من غير زعل لما بتنخدع مرة المشكلة في الناس بس لما تنخدع اكتر من مرة المشكلة تبقى فيك يعني بلاش الطيبة عشان مش بتأكل عيش ههههه وربنا يوفقك ويكتبلك الخير

برضو مش عايزة احرمك من حنيتي وح اسئلك كمان سؤالين
قولي موقف عملتو وحسيت انك راضي عن نفسك فيه؟؟ وموقف تاني حسيت انك مستصغر نفسك اوي عشان عملتو؟؟
وقلنا موقف محرج جدااااا حصل معاك؟؟ و4 حاجات نفسك فيها؟؟ وحاجتين كان نفسك فيها واتحققت؟؟

السلام عليكم
هههههههههه ايه يا ريما من اولها يعني قبل ما اقعد يعني كده طيب صدقوني ما انا قاعد اصل امي جابتني يوم الوقفه بتاع العيد الصغيير هههههههههههههههههههههههه بس بلاش الكرسي بجد انا ما اقدرش عليه انا اسأل اه انما اقعد لا لالا ما بقدرش عليه سوري انا مسافر للقطب الجنوبي اشوفكم بالف خير
اخوكم في الله
اسامه

ههههههههههههه شفت ازاي اسامة انا مليش امان
تصدق اسامة نفس الجملة قولتها لما اختروني قلت انا اسئل اه بس ماتسئلش
هههههههههه يعني لو حد اختارك ح تستسلم للأمر الواقع

الظاهر ديمو هرب مع اننا كنا لطييفين اوووي معاه :s

ياااااااااااااااااااااة
دة ايه السخونيه اللى انتو فيها دى هو انا معرفش اروح شغلى وارجعلكم تانى
عموما ياتوت انا لازم اجاوبك مانا اللى اخترت

1: اية اللى بتكرهوا فيا واية اللى بتحبوا؟

اللى بكرهو فيك انك هنا دايما على النت
واللى بحبو فيك ان عندك حماسه وروح المنافسه وشاب جدع مش بتتاخر لو حد طلب منك حاجه

2: تفتكر اية اكبر حاجة لازقة فى دماغك حصلت بينى وبينك وبتفكر فيها ديما؟

لما كنت بتعرف بيك اول مرة كنت مفكرك بنت بتحور وعامله نفسها ولد بس اكتشفت بعد كدة انك شاب محترم فحت

3:حاجة انا خليتك تتعصب فيها وكنت متضايق بسببها؟


بصراحه محصلتش وانا من طبعى انى مش عصبى اصلا وباخد الامور بكل هدووووووووؤ


4: حاجة انا عملتها وانت كنت فرحان بيها؟


صراحتك معايا وفضفضتك للى مضايقك ودة معناه انك مقدرنى فعلا صديق وبتفتحله قلبك ودى حاجه بقدرها اوى


5:حكاية الشباك بتاع البحر على الكورنيش

حسيت بعديها انى لازم افكر اكتر فى الشخص اللى قدامى وظروفو اللى خلتو يعمل كدة معايا بس حتى لو استفدت من كلامنا فى الموضوع هو اللى معروف ان الواحد لازم يكون عندو ابعاد فى افكارو
ارجع اقولك انو لو اتكرر تانى مش هقول لا
هههههههههههههه

6: احساسك اية من الاسئلةا للى فاتت؟

انك بتسالنى كاننا قاعدين قعدة رومانسيه فى جنينه المنتزة

7: كام مرة كدبت عليا او فى كلامك اللى جاوبتوا فوق دا؟

ولا مرة لانى دايما شايف فى حياتى ان مفيش حاجه تستدعى البنى ادم انو يضطر للكدب لو فى حاجه مضايقانى كنت هقولك ولو فى حاجه مش عايز حد يعرفها انا احلى واحد يشكل الكلام

انتى تانى ياريما
ماترحمينا بقى
بس لازم اجاوبك هعمل ايه

اولا فى نقطه انى بنخدع فى الناس دى فعلا عندك حق المشكله عندى انا لانى مش بخون حد
وببقى مدى الامان اوى
ال يعنى مفكر الناس كلها زيى
بس واضح انى مش بتعلم
وبعدين ايه دة ياريما
السؤالين بتوعك بقو خمسه فى الاخر؟
انتى شاحنه منى اوى كدة؟
عموما ماشى ياستى
هعترف
موقف عملتو وحسيت انى راضى عن نفسى فيه
انى قدرت اخلى انسان يلتزم بدينه ويتقى الله فى ربنا هى عموما واحدة ست دلوقتى ومنقبه ومخلفه ولد زى القمر اسمو محمد
وهى طريقها كان هيبقى غير كدة خالص
والمشكله انى انا زى مانا متقدمتش لقدام فى الموضوع دة وهى عدتنى بمراحل
بس ربنا يرحمنا بقى

موقف تانى عملتو وحسيت انى مستصغر نفسى فيه
لما جبت عربيه على قد فلوسى وقارنتها بالعربيات اللى معايا على الطريق
كان اخرها 60كم فى الساعه
بس طبعا كان لازم اخلص من العذاب النفسى دة فبعتها تانى

موقف محرج جدا حصل معايا
اممممممممممممم
ايه الاحراج دة ياريما
لازم يعنى
طيب
لما كنت رايح اقابل واحدة لاول مرة
يعنى حتى مهزرناش مع بعض
بس كنت اعرفها عن طريق التليفون
هى بصراحه كانت ست زى القمر
ولما شوفنا بعض وانا بكلمها فى التليفون جيت اقدم عليها وبينى وبينها تلاته متر تقريبا
كل شياكتى وقعت فى الارض على قشرة مووووووووز
منو لله اللى رماها بقى
وهى اللى مدت ايدها وقومتنى

واربع حاجات نفسى فيها
اول حاجه انى اتقدم فى شغلى وترقياتى
تانى حاجه ان يكون معايا الزوجه الصالحه باذن الله
تالت حاجه عربيه تحفه وربنا يعوض عليا فى اللى لحستنى الاسقلت وراها
رابع حاجه ولدين يعاملو ربنا فيا واقدر اعيشهم حياة كويسه

حاجتين كان نفسى فيهم واتحققو

اول حاجه انى اعرف اقعد فى البيت شويه لانى مكنتش بحب قعدة البيت دى خالص
ودايما قاعد فى الشارع لدرجه انى مش ببقى عايز ارجع انام
دلوقتى الحمد لله الواحد ابتدى يرجع لطبيعته

تانى حاجه انى قدرت اخد خطوة فى حياتى وف شغلى وطريقى اللى جاى

بقولك ايه يااسامه متروح انت اقطب الجنوبى دة وخدنى فى سكتك وسيبنى عند القطب الشمالى وكمل انت
ولو قدرت تبقى تيجى تقعد معايا شويه
حتى تغير جو

صباح الخير ديمو انا قولت خليني قبل ما افطر اصبح عليك بكم سؤال<<<عشان تعرف معزتك بس ههههههه

طيب اولا عايزة اعرف موضوع الشباك <<< انت عارف بقى الفضول وعمايله

وقولي كلمة اتقالتلك فرحت بيها ومن مين وايه كانت مناسبة الكلمة دي؟؟

و قول اكتر حاجة غريبة حصلت معاك؟؟

وقولنا موقف حصل معاك واتمنيت انو يكون حلم وبمجرد قومك من النوم يخلص؟؟

كفاية عليك كدة دلوقتي ههههه

صباح الخير عليك يا ديمو النهارده موعودنا زى ما اتفقنا وانا جايه ومظبطه الاسئله لانى بعزك اوىىىى وعشان كدا مش حعز عنك حاجه
اولا : مين اكتر حد حبيته فى حياتك وسيبك
ثانيا:ايه هيا الخطوه اللى اخدتها فى مشورك واتحققت
ثالثا:قولنا انت متاكد انك مقابلتش الزوجه الصالحه
رابعا:اكتر حاجه مخليك فرحنا اوى النهارده
خامسا :كنت فين امبارح الساعه 9 مساء وياريت اجابه السوال ده بحقيقه مش هزر
سادسا : ايه رايك فى اللى بالى بالك وبكل صراحه
سابعا :عايزه اعرف ايه هيا الخطوه الجايه فى حياتك
كفايه كدا على ما افطر واجى اكملك مش حتاخر عليك

احلى صباح على احلى مجروحة في الدنيا
ايوة كدة انا كنت مستنياكي من بدري
هههههههههههه

هههههههههههههههههههه
انا لو عليا مجروحة اخليهم اسبوع
ده مهما كان ديمو وبعدين شيكامارا مالحقتش تسئل
ههههه

السلام عليكم
ازايك اخي ديمو اسمع روح البيت وبوس ايد الست الوالد وتعاله نخلع انا على الجنوبي وانت على الشمالي وماتتاخرش عن الساعه حمسه اصل القطار بيطلع في الساعه خمسه وخمسه وبطريقك كده قلي انت اكثر واحد كرهته في الدنيا واخر واحد انك ممكن انك تحبه واخر واحد انك ممكن تكرهه
سي يو سوون
ايه يا ريما انت على طول كده خلعتي من جنبي ولا تعرفيني وتقليلي انا قلت كده قبل ما اقعد على الكرسي الجميل ده على كلن ربنا يسامحك ههههههههههههههههههههههههههه
اخوكم في الله
اسامه