اولا ازيكم واحشتونى جدا كلكم
النهارده جبتلكم موضوع جديد ويمكن مش كلنا بنلاحظه بس موجود
احنا بنقلد الاجانب فى كل حاجه
اكلهم
لبسهم
اغنيهم
كلامهم
طريقه حياتهم
طب ليه الحاجه ديه مش بنقلدهم فيها طبعا كلكم عايزن تعرفوا الحاجه ديه
المعاكساااااااااااااااااااااااااا
اظن كل البنات عاشت الموضوع ده البنت تبقى ماشيه فى الشارع وتلاقى ولد عامل فيها عم الرومانسى ويقولها
ايه يا موزه
طب والنبى مش حاجه تجن بس ماشى نقول ربنا يسمحه
اللى بيدايقنى ويتعبنى نفسيا
الواد يا خد البنت بتعته او خطبته او المدام فى اول سنه جوز طبعا لان بعد اول سنه مش بيخروج معها غير وهو بيوديها عند امها
ومش موضوعنا ده نكمل موضوعنا
وياخد البنت بتعته ويرحوا على النيل حيث الماء والهواء والوجه الحسن
وهو بيسيبل لها وبيحب فيها وفجاه تعدى بنت لبسه لبس مولفت شويه وتلاقى الواد تنح للبنت اللى معديه وكبر دماغه من اللى جمبه
ولا تعدى بنت لبسه لبس مولفت ومعها ولد تحس انه حيقوله متيجى نبدل
ده عندنا هنا
لكن تعال بقا نروح للاجانب اللى هما دلوقتى قدوه للشباب زى ما قولنا فى كل حاجه
الاجنبى بقا عنده ميزه واحده
انه لو بيحب بنت والبنت ديه واحشه برده بيفضل يحبها
ولو لوحده وعدت جمبه ملكت جمال العالم مش بيبصلها
مش احنا لو عدت كلبه فى الشارع ولبسه بدى ضيق
تلاقى كل الشباب عيتهم عليها
طبعا كله حيقولى بس الاجانب عندهم عادات معينه للحب انا عارفه ده بس انا مش بتكلم عن العادات فى الحب انا بتكلم عن احترام اللى بيحب لحببته او خطيبته او مراته بجد انت جرب كدا نعكس الموضوع والبنت توقف فى الشارع وتعكسك وتجرح مشاعرك بكلام بجد اقل ما يجب ان يقال عليه انه ولا حاجه بس بيجرح وشوف احساسك ايه طبعا احساس فظيع انك تتعاكس
ويغيظك بقا ويموتك ان البنت بتفرح اوى بالمعاكسه طب والنبى مش بنات هيفاء بجد تفرحى بايه ده معنى كدا انك مش واثقه فى روحك ومستنيه حد غريب يقولك رايه طب افرضى قالك يا واحشه تبقى انتى فعلا واحشه لازم تثقى فى نفسك
ومتفرحيش بكلام اى حد يقول حاجه
(شباب(الولاد
لو البنت ديه اختك حترضى انها تتعاكس حتقولى اختى مش بتنزل بلبس ديق حقولك والله لو لبستها شوال برده حتتعاكس
بجد انا بحترم الاجانب انهم مش بيعكسوا البنات ويديقوهم
وبرفع القبعه للاجانب فى الميزه ديه بس
الخميس أبريل 08, 2010 2:40 pm
