اعرف نفسك

اعرف نفسك
بسم الله الرحمن الرحيم

عايزين نعرف بعض من جوانا نحس ببعض وبافكار بعض عن طريق
تعرفكم الكلمات دي من وجة نظرك
|
|
|
|
الحياة :

الواقع :

الحب :

المرح :

الحزن :

الدموع :

الألم :

الطموح :

النجاح :

الموت :

الحكايه صعبه ؟!
ليه كل الحكايه ان اطلق لعقلك العنان ودور على كلمة واحده توصف بيها كل كلمة مكتوبه هبتدي انا ومستنيه ردودكم
وشكرا ليكم


انا شايفه ان ...
الحباه__ رحلة اما نوصل بسلام او ..! "اللهم نسألك رضاك والجنه"
الواقع__مخبف قوي
الحب__تدفق احاسيس صادقه
المرح__مطلوب بحساب
الحزن__ بيقوي
الدموع__تعبير عن حاجات كتير مش عارف تعبر عن اي واحده فيهم
الالم__ بيكسر حاجات كتير جوانا ما بينفعش تتصلح تاني
الطموح__هو انك شايف نفسك من على بعد
النجاح__ احساس عمرك ما بتقدر تنساه
الموت__ لازم نعمل حسابه كويس قوي

ده دورى ف الرغى صح


الحياة : مسرح كبير كلنا فيه ممثلين فيه منا ابطال وفيه كومبارس وفيه طبعا جمهور كبيير

الواقع : هوا اللحظه دى (يومى انهارده يعنى)

الحب : ملهوش تعريف (بس نقدر نقول عليه فطرة واجمل فطره اتخلقنا بيها ومحدش يقولى مش موجوده ف حد الناس كلها بتحب بس كل واحد بيحب بطريقته الخاصه)

المرح : ضحكه صافيه ورايقه من غير هموم ف وسط اهلى واصحابى

الحزن : (ضعف) كسر ف جدار القلب

الدموع : راحه وهدؤؤؤؤؤؤؤء

الألم : قلب بيتوجع .حاله احتضار. عجز

الطموح : قوه وامل وعناد

النجاح : بكره بتاعى

الموت : بدايه جديده

انتو اجمل اصدقاء فى الدنيا ربنا يخليكو ليا يااااااااااااااااااااارب
حللتو الكلمات ببراعة بجد
يلا بقى الباقى فييييييييييييييين


مستنياكوووووووووو

الحياة : المدرسة اللى بنتعلم منها ولازم نحضر كل الدروس ونفهمها صح لكى نتذوق طعم السعادة والالم
الواقع : حاجة فرضت علينا ولازم نعيشها
الحب: الحب جحيما يطلق والتحررمنة الحب نار لاتطاق والحب لايعترف بالزمانوغدرة لانة اقوى من كل شئ فأمن بالحب ولو كان مصدر لالم ولاتغلق قلبك
المرح : احلى احساس فى الدنيا لما تكون وسط ناس بتحبهم ويحبوك وتضحك بجد من قلبك وتتمنى ان كل حياتك تبقى كدةبس للاسف مينفعش نضحك على طول لان الدنيا عاوزة كدة
الحزن: حاجة قاسية جدا مش بتقوى زى مابتقولى سول اعترض معاكى فى الكلمة دى
الدموع : سورى بقى هطول شوية عليكم لان الدموع انواع وهى
الدموع العظيمة: وهى دموع الانتصار الدموع البريئة :وهى دموع الاطفال
الدموع المؤثرة : وهى دموع التوبة الدموع الرقيقة :وهى دموع المرأة
الدموع والجميلة : وهى دموع الوفاء الدموع الحزينة : وهى دموع العزاء
الدموع السعيدة : وهى دموع النجاح الدموع القاسية : وهى دموع الالم
الدموع المعبرة : وهى دموع الند الدموع المخادعة : وهى دموع التماسيح
واروع الدموع : عين بكت من خاشية والله
الالم : نتيجة لحب غير صادق
الطموح: يعنى المستقبل
النجاح : شئ جميل جدا لما تحسك بنجاحك فى اى مجال
الموت :لازم نفكر فية ونعمل حسابة مش زى ما قولت ادمين
يالهووووووووووووى دة انا رغاية اوى معلش بقى طولت اوى اعزرونى بس كنت عاوزة اوصف احساسى فى كل حاجة بصدق

تسلم ايديكى يا حنونة وبصراحة احساسك جميل جدا
بس الحزن بيقوينى جدا لانو بيفوقنى بصراحة
بس بجد ثاااااااااااااااانكس يا قمر

تسلم اديكى انتى يا قمر على احساسك دة بجد تسلمى يا قمر

الحياة:اوقات سعيدةوحزينة بنعشها مع بعض
الواقع:احداض بنعشها فييها احداث جميلة نتمنى انها تدوم واحداث نتمنى عدم حدوثها مرة اخرى
الحب :الصدق -اححاسيس-مشاعر
حاجة بتخلى الناس يتقربوا من بعض ويذداد اشتياقهم لبعض

المرح:اوقات سعيده بنقضيها مع الاقارب والاصحاب نتمنى انها تدوم
الحزن:وقت شديد الصعوبة عندما يمر احد به
االدموع :بتعبر عنا وعن احاسسنا ومشاعرنا
الالم:نتيجة شئ مؤلم حدث لنا
الطموح :الامل الذى يتمناه كل واحد انه يتحقق
النجاح:لما نبذل جهد وتعمل بجد واتقان وفى الاخر هتحس بجد بالنجاح
الموت:لازم نعمل حسابه اكيد
هو فراق بين الناس وهو شئ يؤلم كثير من الناس بس كل واحد فى الاخر هيموت ولازم نعمل لاخرتنا قبل دنيتنا

الحياة :اختبار من ربنا لينا او مرحله نتتهى فجأه وننتظر في النهايه نتيجتها

الواقع :حقيقه لازم نعيشها وغالبا بنكون مجبرين اننا نعيشها

الحب :ارقي واسمى معانى الحياه وحتى ده صعب اننا نلقيه بجد

المرح :وقت صغير جد وهو تقريبا بيكون في مرحله من مراحل العمر وهى الطفوله تقريبا بس هى اللي بنحس فيها بالمرح والسعاده بجد مع اسرتنا

الحزن :احساس كتير بنحس به حتى بيكون هو الاحساس او الواقع اللي احنا بنعيش فيه

الدموع :اوقات بتريحنا كتير واوقات من كتر اللي جوانا بنحس انه مجرد فقدان للسيطره علي كل الالام اللي جوانا

الألم :شعور باقي نتيجه لافتقادنا لاعظم واقرب ناس لينا هو بيكون شعور دايم وبيكون الالم ده صعب اننا نشفي منهحتى ولو بمرور الزمن

الطموح :قد يكون مجرد امتيات صعب تحقيقها في الحياه اللي عيشنها

النجاح :قد يتحقق ولكن مع عزيمه واصرار مستمر

الموت :حقيقه مسلم بها ان اجلا ام عاجلا

كلمـــــــــــــــــــــات اية دة كلامك فل ياكلمات احساس جامد جدا

الحيا:حلوه بس للى يفهمها صح ويعرف يعيشها صح
الواقع:حاجه مفروضع علينا غصب عننا هنعيشها مهما غيرناه هو برضو ف الاخر واقع مش مختارينه
الحب:غذاء الروح والقلوب وزى ما قال ابن حزم الاندلسى تجلت معانيه على ان توصف وهو ليس بحرام ف الشريعه او الديناه إذ القلوب بيد الله عز وجل يقلبها كيفما يشاء
المرح:مش ممكن تلاقيه الا مع ناس طيبين زيكم بيحبوا بعض
الطفوله:احلى مرحه لو اهلنا ادونا فغيها حقنا
الحزن:ليه مكنه المتخفى ف القلب وبين الجوانح ميحسش بيه غير القلب المجروح
الدموع:جمرات نار تنزل م العيون علشان تطفى نار تانيه بس بتريح بالذات لو على صدر حد قريب منك حاسس بيك
الالم:لما بيكون جواك بيكون صعب اوىى الالم وحش بيوجع مبحبش الوجع ومبستحملهوش
الطموح:جميل اوى اوى بس الله عليه بيكون اجمل لما يلاقى اللى يشجعه ويساعده حتى ولو بكلمه بس يتحول لوهم لما يلاقى اللى يرجعه لورا
النجاح:طعمه حلو اوى بيخلى قلبك يرقص من الفرحه وتحس ان الدنيا كلها فرحانه بيك وبتشاركك فيه
الموت:حقيقه بنخاف منها ع اللى بنحبهم ف حين ممكن نتمناها لنفسنا منتهى الانانيه

اية التحليل الرائع دا
تسلم ايديكو

الحياه : الحياه حلوه اوى بس نعيشها صح ومع ناس كويسين
الواقع : صعب اوى بس لازم نعيش الواقع
الحب : احلى احساس فى الدنيا كلها بس اللى يحسه صح ويقدره
المرح : شعور حلو بعيشه مع ماما ومع صحابى اللى بحبهم ويحبونى وبالنسبالى نفسى اعيش فى مرح علطول بدون زعل ولا نكد
الحزن : اسوء احساس بنحس بيه وبنحسه اوى لما نفقد اغلى الناس واقرب الناس
الدموع بتريح الانسان من جواه بس بتبقى وحشه اوى على فقدان اغلى الناس وبتبقى تابعه للحزن لكن بتبقى حلوه اوى لو دموع الفرحه شعور حلو اوى وكتير بعيط من الحزن ومن الفرحه الاتنين
الالم : شئ صعب اتمنى لو حسيته محسهوش تانى يارب لانه احساس صعب يتوصف لانه بيكون جوه الانسان مش بيبان زى الدموع
الطموح : علطول فيه وعلطول طموحه بس للاسف مش بلاقى اللى يشجعنى وبلاقى اللى يرجعنى لورا ساعات
النجاح : احساس تحفه بجد سواء ليا او للناس كفايه كلمه نجاح دى فى كل شئ بجد تحفه
الموت : قدر مكتوب على كل انسان لكن صعب جدااااااااااااااا الفراق صعب اوى ساعات بخاف من الموت يمكن لان لسه معملتش الحاجات الكتير للاخره وساعات بتمناه لكن بعديها بستغفر ربنا وساعات بحس ان مفيش انسان احن من ربنا وكفايه ان الموت بيخلينا نقابل ربنا بس الاهم نعمل اللى يخلينا نموت واحنا مش خايفين وربنا ميحسس اى حد الاحساس ده اللهم امين