الوووووووو هل تسمعنى

مجموعة الوووو هل تسمعنى
وطبعا لشاعر الجامد جدا ....على ســــــــــــــلامة ....

بكلمك من مصر
بكلمك من مصر..
مصر ياسيدي ,,,, مصر..
مصر يا عم مصر..
مصر بالصاد..
مصر كل يوم مزاد..
مصر بنات وولاد..
بتنسرق أحلامهم..
مصر أصحاب المعاشات..
والبهدلة ف آخر أيامهم..
ومصر ناس كل اللي معاهم..
وف قلوبهم ووراهم وقدامهم
مصر..
مصر بالميم..
آه واللّه العظيم..
بكلمك من مصر..
مصر بالآه..
مصر كل يوم..
يا حد راح
يا حد تاه..
إستطعم الاسم كده..
وإنت بتنطقه..
أو بتكتبه..
أو حتي لسه بتتهجاه..
مصر..
مصر اللي لو يوم تغني من قلبها..
غصب عنك..
...... لازم تقول اللّه..
^
^
^^
^
^
ألو ألو..
أوطي صوت التليفزيون إزاي يا فندم..

ده أنا بتكلم من سوق الخضار..
طول عمرهاالقوطة مجنونة سعادتك..
بس الجديد بقي الخيار..
والبطاطس..
هايصةخالص..
عشان الزيت أسعاره نار..
والكوسة شكلها يفرح..
ماشفتهاش أبدا كده..
والشمس طالعة..
وف عز النهار..
المواطن..
نفس الابتسامة العريضةحضرتك..
هيموت م الفرح..
خصوصا بعد ما سمع..
عن علاج البواسير بدون جراحة..
إمبارح ف نشرة الأخبار..
المشكلة أنا يا فندم..
من يومين كده..
ابتدي يلعب ف عبي..
ييجي مليون فار..

عايز اعرف ايه رايكم فى الشاعر ياجماعة

هههههههههههههههههههههههههه

اقولك على حاجة

والله العظيم مبدع اللى عمل الشعر دة

والله مبدع فعلالالالالالالالالالالا

كلام رائع رئع والله

تحسوا كدة لزيز اينعم بيقول كلام لكن تحسوا فرحة وضحك وهزار

رائع فعلا تسلم ايدك

شكرا على الردود الجميلة وتسلم اديكم ياحلوين

ميرسى انت ياجميل ربنا يخليك

والله بجد انا معجب بالموضوع اوى اوى

كلك زوووووء ياتوت
ياريت تتابع الجزء التانى انا نزلته يابرنس
ومشكورررر على الرد يابرنس
وتسلم ايدك