وصيـــــة سيجـــــارة

KiNgAwY الوسام : النوع: : تاريخ التسجيل : 14/09/2009

هذه الأبيات الشعرية
للشاعر

خــالد الطبلاوى

التى تتميز بالبساطة فى التعبير عن رفضه - ورفضنا نحن أيضًا - لعادة التدخين
التى أصبحت عند بعض الناس شىء مسلّم به و نصحه للمدخنين للإقلاع والتخلص من هذه السيجارة التى بات أسيرًا فى سجنها
وتوضح أيضًا الأضرار الكثيرة التى تملأ هذه الآفة

ويسعدنى أن أقدمها لكم
وما يسعدنى أكثر

مروركم على هذه الأبيات
وما يسعدنى أكثر وأكثر
أن تشرفونى بتعليقاتكم المميزة وبآرائكم

والآن أترككم مع الأبيات

1- كايدة الرجال

والله فعلاً دى الحقيقة مش خيال
إن السجارة بهمها وبغمها
كايدة الرجال

قدامها بيكونوا عيال

والراجل اللى صوته عالى بينكتِم

ويطلـّع القرش اللى كان مستخسره فـ ابنه

ولا يسأل سؤال

من بعد ما الصحة تِروح
والقرش والحسنات كمان
إيه النهاية والمآل

راح أقولكم . . .

2- حديث سجارة

اسمع يا شاطر يا شطارة

أنا خالتك الست سجارة

سفيرة الموت بالجملة
فتـّح دماغك يا أمارة

معايا شنطة ومليانة
أمراض كتير اصحى معانا

سرطان وقرحه وباتوصـّى
واخدم زبونى بأمانة

دا غير بقا الكحه الناشفة
و زَراق منيـّـل عـ الشفــّـه

و إن كنت يا اسمك إيه خفه
تخسر فلوسك بالـقــُـفــّــه

دا خمسميت مادة فـ قلبى
من السموم خليك جنبى

إدفع فلوس تشترى حُبـّـى
وتموت معايـــا يا روح قلبى

دا تلوث أسنانك
واللثه تضرب ولسانك

وأم العيال تقرف منك
وجميع حبايبك وجيرانك

هتموت بسكته قلبية
وتطب ساكت يا عنيــّه

ويزيعوا نعيك يا ابو خالو
وتكــُـتّ مـ الدنيا فـ ثانية

أربع تلاف ومتين ماده
يرقــّدوك زى مخده

وبتر أعضاء وبلاوى
وذبحه صدرية وهــــدّه

و ان كنت فاضى ما لك عوزه
أو عضو شله منبوذه

وتـَمـَـلـّــى تقعد فى الغـُرزة
يبقى انت من أهل الجوزة

أنا مش هسيبك يا عِليشه
لو حتى لفـّوك بالخيشه

جاى لك على جناح السرعه
أختى الكبيرة اسمها شيشه

وأخويا بايب ومعسل
و نشوق يا واد إوعى تكسّل

وكلنا فى خراب بيتك
عايزين نشارك ونمثـل

و يوم وفاتك هنشـرّف
على القرايب نتعرّف

يمكن نلاقى زبون تانى
وعقله مجنون بيخرّف

آدى صرخة الست سجاره
سمـّـعتها لك يا معـدّل

يا ريت بقا يا بنى تفكـّر
يمكن امورك تتبــدّل

أول هام دى حرام يا بنى
وحرق للحسنات حاصل

وإن كنت ح تفلفص منى
إسأل فضيلة الشيخ واصل

دى فتوى منه مسموعه
وف المساجد مطبوعه

إن السيجارة وأخواتها حرام
حرام فى ديننا وممنوعه

بطـّـلها يا بنى لوجه الله
واعمل حسابه فـ يوم تلقاه

راح يسألك عن تبذيرك
ومالكش مالِك أمر سواه

بطـّـلها خلـّى الصحه تعود
وتبقى زى الواد محمود

عايش حياته متهنّى
وبصحه حلوه وعود مفرود

غـيـّر حياتك بالمره
وفلوسها حوّشها فـ جرّه

يمكن تحج لبيت الله
أو مره تعملك عُــمره

م
ن
ق
و
ل

تسلم ايديكى
والله الموضوع روعه
ونفسى الناس كلها تتعظ من ضرر السجاير
بس تعملى ايه؟
ربنا يهدى

بجد بجد الف شكر على الموضوع ده
موضوع فى غايه الاهميه
بس تعرفى انا عندى سؤال واحد بس
ونفسى حد يجاوبنى عليا رغم ذلك انا سالت واحد
بيدخن بقاله 40 سنه السؤال ده
ومعرفش يجاوب
اللى يعرف الاجابه يجاوبنى
ماهى الاستفاده من السيجاره ؟
بارك الله فيكى وفى انتظار الجديد

[colo

r=yellow]مشكوووووورة على الموضوع البيهم كل واحد سوى بيدخن او حتى بيفكر يدخن
انا بصراحه بدخن وياريت تدعولى ابطلها
ومفيش عندى برده رد لملاك الرحمة على السؤال ايه سبب انى بدخن
بس كل البقوله انى لما بكون مضايق بشربها
طبعا مالهاش احساس لكن هى بقت عادة
ودعواتكم لينا نبعد عنها
ومشكورررة على ايمى على مواضيعك الجامده
منتظرين موضوعك التالى انشالله[/colo

r]