((((( أسئلة خاصة )))))

أهــــــــــــــلا بيكن أهــــــــــــــــلان بيكن يااللى احنا عجبنا عقليكم
( أرغوا أرغوا ماهو ببلاش )
ميرسى ميرسى ميرسى بجد ليك على القسم اللى يجنن ده
شوفوا بقى انا جاية انهاردة ومتحمسة جدااااااا ونفسى العب لعبة وعيزاكوا تشاركونى فيها
وهى عبارة عن اسئلة خفيفة بتدور فى ذهن كل منا
ويجيب عليها العضو الذى يليه باجابة مختصرة
ثم يضع سؤالا ليجيب عليه العضو الذى بعده
وبما اننى فى القسم الرومانسى (( قسم الشعر والاغانى ))
فستكون اسئلتنا كلها خاصة بمشاعرناااااا
وسؤالى الاول سيكون :
لو لقيت اللى بتحبه لكن هو كان خجول ومش قادر يقدم الخطوة الاولى تتصرف ازاااااااااااااى ؟؟
ياااااارب يكون اللى بعدى ولد
ويارب يارب يارب تكون الفكرة عجبتكوا

بصراحة الفكرة بتاعتك روووووووووووووووووووووووووعة عجبتنى مووووووووووووووت
بجد انا بهنيكى على الفكرة دية ثانكس يا جميلة

بص يا هيما اسمحلى اجاوب على سؤالك

انا اظن ان الخناقات دية بسبب عدم التوافق حتى لو هم شايفين انهم متوافقين فى حاجات اكيد فى حاجات مش متوافقين فيها وكمان كل واحد مش بيحب يتنازل ولو اتنازل شوية التانى بيحس ان دا ضعف منو والسبب فى دا كلة انو مش فى حب اصلا من الاول لان الحب =التضحية
بس برضة مش تحكم على حب النهاردة انو كلو فاشل هو مش كلة في علاقات كتيرة نجحت والدليل على كدا كل اخواتى بيحبو ازواجهم جدا واخويا برضة بيحب زوجتة جدااااااااااااااااااا
انا شايفة دا بعينى اسفة طولت عليكو

هاقول بقى سؤالى

هو احنا لما نكون فى موقف اختيار بين كرامتنا والانسان اللى احنا بنحبو جدا نختار مين ؟
على علم اننا ضحينا كتيييييييير قوى علشان الانسان اللى بنحبو

ميرسى ليكى ياعسوووووووووووووولة
شوفى بقى انا هجوبك على السؤال الجااااااااااااامد ده
اولا كلاهما لا غنى عنهم الحب والكرامة فالحب هو الحياة والكرامة هى قيمة لذات الانسان
فأذا كان الشخص يستحق الحب فلا داعى للحديث عن الكرامة لانها محفوظة
المحب الصادق هو الذى يصون كرامة حبيبه ولا يحاول يقلل منها
واذا كان الشخص لايستحق الحب بالتاكيد الكرامة تنتصر على الحب
ياريت اكون قدرت اجاوب على سؤالك بشكل مقنع
ومش عارفة بقى ليا حق اسال تانى ولا اييييييييييييييه
معلش بقى هسال ها
هل ممكن ان يكره الانسان الشخص بعد ان احبه ؟؟؟؟؟

ممكن ارد على سؤاللك يا هيما

لو الشخص فعلا بيحب الشخص التانى حب بجد لازم مش يبقى جنبة وبس لازم يحسسة بحبة لحد اما التانى يعرف بالحب دا وفى الوقت دا التانى هو اللى هايحدد اذا كان هايحبة ولا لا
بس برضة لازم يعرف راسة من رجلية لان الشخص التانى ممكن يحسسة انو بيحبو بس يكون فى الاصل مش بيحبة
بس مادام الشخص بيحب حد لازم يحسس التانى بحبة ومش يختار انو يسيبة لان التانى ممكن فعلا يكون بيحبة اصلا


هو انا هاسال سؤال تانى معلش اعذرونى

هو احنا نعمل اية علشان ننسى حب عمرنا ؟ وهو فعلا هاينفع يتنسى ولا نسيانة مجرد وهم

انا بصراحة مش عارف الحكاية دى انتوا عمالين تحوروا فى موضوع النت دة كتير لية اسالوا نفسكوا سؤال واحد النت معمول لية وبيتكون من اية النت عبارة عن شوية ناس داخلين يتعرفوا على بعض انت اسمك سنك عنوانك مناسب ومحترم وكويس وكدة تمام اوى نتعرف احنا اصحاب لا دا علاقتة بيا اكتر من صداقة يبقى اخوات لا دا احساسى ومشاعرى معاة متبادلة يبقى حب لية منقولشى حب هوا غلط عيب حرام لو فكرنا صح يبقى اللى يدخل نت يعرف كانة بيتكلم مع ناس فى الشارع او فى الكلية وهيا هيا بالضبط الفرق انك بتكون مش قادر تشوفهم ادامك وتتعامل معاهم طبيعى ودة الفرق الوحيد

انا احب اضيف حاجة على كلامك يا هيما اولا الحب من النت ده غلط كبير جدا انت متعرفش اصلا ايه الشخص اللى بتكلمه كداب ولا لاء نيته ايه اصله اهله مين اخلاقه ايه وحاجات كتير تانيةة فالاحسن لو اتعرفعلى حد من النت ميكنش اكتر من صديق ده الاحسن عشان منجيش بعد كده نقول ياريت اللى حصل ما كان

فى الاول انا بحمد ربنا انى اخيرا وصلت بعد عناء المهم المهم انا عاوزة ارد على سؤال سول فى الاول مفيش حاجة اسمها حب على النت لانى فكرت اجرب موضوع زى دة ويا رتنى ماجربت كانت نهاية اية ولا حاجة نهاية عادية ومتوقعة احنا صحاب مينفعش نكون اكتر من كدة ودة فعلا اللى كان لازم احطة فى دماغى من الاول بس معلش عادى بتحصل كتير المهم كل واحد ياخد بالة من من تصرفاتة ومن البنادم اللى قدامة بمعنى اعرف قيمة اللى قدامك وعلى اساس كدة حدد انت اية بالنسبالة سورى بقى طولت هع

سووووورى الرد اللى فات كان على سؤال رودينة الرد دة هو بتاع سول
ازى ننسى حب عمرنا يبقى احنا كدة عمونا ماحبينا ولاحسينا بالحب اجمل حب اول حب فى الدنيا مشاعر احاسيس بس لما يكون صادق ومبنى على اساسه الصدق والتسامح غير كدة ميبقاش حب بس فعلا لو هو كدة يبقى اكيد عمرنا ماهننسا لو غير كدة يبقى لازم ننسى اكيد لانة ميبقاش حب
ونفسى بجد كل واحد بيحب او واحدة بتحب يحاولو على قد ما يقدرو مايلعبوش بمشاعر الناس اللى قدمهم يارب

سؤالى انا بقى
ما الفرق بين العزيمة والتملك فى الحب

لا تعليق معنى السؤال مش مفهوم

تسلمى سهيله على الفكرة الجامده دى بجد فكرة جامدة اووووووووووى وكان نفسى يكون فيه سؤال واجاوب عليه بس مش مهم انا بقى ممكن اسالكووووووووووووووو؟

هو ممكن الانسان ينسى اول حب فى حياته؟ ولو حب ينساه يبقى ازاى؟

ميرسى ياقمر على زوقك يارب تسلميلى
شوفى انا هاجوبك على سؤالك بس ده من وجهة نظرى انا ممكن اوى ننسى الحب الاول
لو كان الحد اللى حابته طلع خاين ومش بس انساه اندم كمان على كل لحظة كانت معاه
وعلى كل دقيقة ضاعت وانا بفكر فيه اما تنسيه ازاى بقى طبعا مش هتقدرى تنسيه فى لحظة
بس لو قدرتى تبعدى عن اى حاجة ممكن تفكرك بيه او تشغلى نفسك بانك تنزلى شغل وتتعاملى مع ناس تانية وانك مش تضعفى لو طلب يرجعلك تانى
وبعدين مش ينفع يكون نفسك فى حاجة ومش نحققهالك طبعا عشان كده انا هسأل


أيهما أخلص فى الحب الشاب أم البنت

ميرسى جدا يا سهيله يا قمر
انا هرد عليكى بس ده بردو من وجهه نظرى الاخلاص فى الحب بيكون نابع من الشخصيه فينفعش نقول ان البنت اكتر اخلاصا من الولد او العكس، وفى الدنيا هتلاقى بنات كتير مخلصه جدا وبردو ولاد كتير مخلصين وفى نفس الوقت هتلاقى الخاين سواء ولد او بنت فالاخلاص بيكون على حسب الشخصيه والتربيه والدين وكمان مقدار الحب.

عندى سؤال نفسى اعرف اجابته من زمان والسؤال هو :
ليه بيقى عيب ان البنت تصارح الولد بحبها ليه وفى نفس الوقت بيقى مسموح للولد انه يقول ل100 بنت فى نفس الوقت انه بيحبه مش ده يبقى ظلم للبنت وحبس لمشاعرها؟

نسيت سؤالك على فكرة يا Admin

مش تعملى ياقمر انا اللى هعمل بعد اذن Admin طبعا والسؤال المرة دى بيقول :
أيه أكثر 3 أشياء ممكن تتعب قلبك فى هذه الحياة

1-الخيانه
2- الحبيب الكداب
3- الوحده

انا برأيي
1_الكذب
2_الخيانة
3_التكبر
وسؤالي هو:
اذا شخص بتعرفو كان بيتكبر عليك ويحكي أشياء كتيرة ويتكبر عبيك فيها يعني.
شو بتعمل؟؟؟
بتقلو انو هو متكبر.
أو بتضل ساكت وحابس شعورك بقلبك.
او انت كمان بتصير تتكبر عليه .

التكبر صفة مذمومة كما قال الله تعالى فى كتابه الكريم :
بسم الله الرحمن الرحيم ( سأصرف عن أياتى الذين يتكبرون فى الارض بغير الحق ) ......... وقال تعالى أيضا ( اليس فى جهنم مثوى للمتكبرين ) وأنا برأيى أن المتكبر مش هديله أى اهتمام
سؤالى بقى هو :
أأد أيه ممكن تتنازل عشان اللى بتحبه